Har du lyst til å lære deg å svinge penselen og samtidig vere sosial? Då bør du melde deg på Maol & Sup på Huldri Galleri saman med oss i Sunnfjord O40.
Dette er sosial maleglede med noko attåt!
Du treng ikkje kunne noko innan maling og teikning frå før, du treng ikkje eingong å ha heldt i ein pensel før – kunstnaren og maleinstruktøren Huldri skal geleide deg gjennom heile prosessen.
Du treng heller ikkje noko utstyr – du får utlevert alt du treng når du kjem, og du får sjølvsagt hjelp og veiledning undervegs av sjølvaste Huldri, som er kursinstruktør. Ho hjelper, viser og forklarar både før de byrjar og undervegs.
Når du kjem får du et glass med noko godt i, og baren er åpen undervegs for dei som vil ha ein forfriskning – uansett om det er med eller utan alkohol.
Det vert garantert ein kjekk og kreativ kveld, og med deg heim får du sjølvsagt maleriet du lagar.
Huldri er Helena Bremer Farsund, kunstnar og artist frå Hafslo busett i Førde. Til dagleg driv ho Huldri Galleri i Førde.
Inkludert i prisen:
Velkomstdrink og eigenprodusert maleri med deg heim.
Huldri stiller med alt utstyr som bordstaffeli, maling og penslar, lerret og seg sjølv som instruktør.
